Lanuztea eta mobilizazioa egin dituzte Ikastoletako langileek, Hezkuntza Sailari “akordio laborala betetzea” eskatzeko

Txabi Alvarado Bañares 2026ko maiatzaren 21a

Herriko plazan egin dute elkarretaratzea Laudio Ikastolako langileek. / Aiaraldea.eus

Laudiokoek Herriko plazan egin dute elkarretaratzea eta Aresketakoek Amurrioko hezkuntza zentroaren aurrean.

Ordubeteko lanuztea egin dute gaur goizean Laudio Ikastolako zein Aresketa Ikastolako langileek, LAB sindikatuak Ikastolen Elkarteko zentro guztietan eginiko deialdiari jarraituz.

Modu horretan, “akordio laborala betetzea” exijitu diote Eusko Jaurlaritzako Hezkuntza Sailari.

Izan ere, sindikatuak azaldu duenez, 2023ko ekainean sinatu zuten akordio horrek “Ikastoletako langile guztien soldatak 2027rako sare publikokoekin erabat parekatzea aurreikusten zuen”. Baina, salatu dutenez, hainbat kategoria kanpoan geratu dira 2025tik hona egin diren igoeretan: Haur Hezkuntzako 1. zikloko hezitzaileena eta administrazio, jangela, garbiketa, mantenu eta garraioko langileenak, besteak beste.

Horrek “soldata arrakala areagotu” duela ohartarazi dute langileek, eta gaineratu dute abiatu gabe dagoela oraindik “Ikastoletako langileen lan baldintzen homogalogaziorako azterketa ere”.

Hezkuntza Laudio

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.

Izan bazkide