Kultura Aniztasunaren Nazioarteko Eguna ospatu zen atzo eta Laudion jende mordoa batu zen horretarako. Etawasol elkartea, Helduentzako Hezkuntza Eskola, Faktoria, kale hezitzaileak, Zapalan, Caritas, Sartu eta Bor-bor elkartea aritu ziren antolakuntzan eta Udalak abian duen Bidelagun ibilaldiarekin hasi zuten jardunaldia.
Herriko plazatik Gardearaino joan ziren eta gero San Pedro elizako arkupetan elkartu ziren. Hamaiketakoa egin ostean, aurretik deitutako argazki lehiaketako irudien bozketa egin zuten eta sariak banatu zituzten.
Horrez gain, bertaratutako lagunen arteko ezagutza eta harremana sustatzeko ekimena ere proposatu zuten: pertsona bakoitzari hitz bat eman zioten (hainbat hizkuntzakoak) eta berba bera zuena bilatu behar izan zuten.
Argazkiak: Bor-bor Elkartea, kale hezitzaileak, Aitor Aspuru Saez
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
