Omnia talde independenteak oharra zabaldu du, bere ustez, udal gobernu taldeak ez duelako bete iazko aurrekontuetan adostutakoa. Izan ere, alderdiak 26 proiektu zehatzerako akordioa lortu zuen EH Bildurekin eta ez daude batere ados Haurreskolan jarri duten karparekin.
30.000 euro bideratzea aurreikusi zuten egitasmo horretara. Hala ere, Omniak aldarrikatu duenez, "hasieran hitzartutako egonkortasun eta iraunkortasun estandarrekin" ez du bat egiten azpiegitura horrek.
Talde independearen iritzia honako hau da: "Egungo gobernu-taldeak aldi baterako irtenbide bat aukeratu du, ikasturte amaieran kendu eta urrian berriro instalatu beharko dena, aurrekontuan jasotako egitura iraunkorra gauzatu beharrean. Kudeaketa horrek eraginkortasun falta eta Haurreskolako ikasleek merezi duten ongizatearekiko konpromisorik eza dakar. Jolastokiaren egituraren barruan geratzen diren karpen instalazioak arriskua ekar dezake, karpa horiek txikiek erraz jotzeko moduko lauzekin finkatzen baitira".
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
