Euskarazko film labur bat grabatuko dute ekainaren 21ean eta 22an Laudion, eta aktore bila ari dira pelikulako pertsonaiak hezur-haragitzeko.
"Gradu amaierako lan autogestionatua" da grabatuko dutena. Fikziozko komedia bat izango da, eta honako hau da kontatuko duen istorioaren sinopsia:
Auzoa gizon trajedun batzuen eskuetan geratu da. Azkeneko lokala, ile-apaindegia, erosi ostean auzokideek hau berreskuratzeko modu bat topatzen dute: ateko giltzak bereganatzea. Haien trebezia eta komunikazio faltak aldiz, ile-apaindegian harrapatuta geratzera kondenatzen ditu. Arazoak pilatzen doaz eta denbora aurrera doa. Nola irten ahalko dira?
Bost pertsonen bila
Bost pertsonen bila ari dira, adin ezberdinetakoak:
- 70-75 urte inguruko 2 emakume
- 40-45 urte inguruko emakume 1
- 40-50 urte inguruko gizonezko 1
- 30 urte inguruko gizonezko 1
Proiektuaren sustatzaileek nabarmendu dute ez dela beharrezkoa antzezle moduan esperientzia izatea, eta dietak ordainduko dituztela ere zehaztu dute.
Interesdunak bide hauetatik jarri daitezke harremanetan filmaren egileekin:
- Gmaila: ezdaudesalgai@gmail.com
- Instagrama: @ezdaudesalgai
- Whatsapp zenbakia: 688668158