Ostiraletik Aldai plazan jai giroa nabari den arren, gaur eguerdian eman diote Herrien Jaiari hasiera ofiziala. Mari Angeles Arbaizagoitia Asasameko presidentearena izan da pregoia irakurtzeko ardura eta Laudioko herritarren arteko elkarbizitza goraipatu nahi izan du.
Buru osasuna ere izan du hizpide eta duela hamarkada batzuk askoz estigma handiagoa zegoen arren, oraindik ere gaia ikusarazteko beharra azpimarratu du.
Pregoiaren aurretik, Santa Luzia abesbatzakoek kontzertua eskaini dute galiziar zentroko gaita eta perkusio jotzaileekin batera. Arratsaldean, Laudio Wellnesen, Xabi Larrearen eta Aires flamencos dantza ikuskizunek hartu dute Aldai plaza, eta kontzertuak egongo dira gauean: cover-ak eta Fitoren tributoa.
Bihar amaituko dira ekintzak, zentro guztietako taldeen dantza ikuskizunekin, 12:00tan.