30 urte igaro dira KOT marka sortu zutenetik eta merezitako ospakizuna egin zuten larunbatean. Goiza Laudioko Herriko Plazan abiatu zuten eta oinez Ermualderaino igo ziren.
Han adin anitzeko jende gehiago batu zen efemeridera eta Zura jatetxeak pintxoak eta edaria prestatu zizkien guztiei. Propio ospakizunerako sortutako diseinuarekin serigrafia tailerra egin zuten kamisetetan eta poltsetan inprimatzeko.
Jarraian Iholdi Beristain abeslariak kanta batzuk jo zituen eta gero kooperatibako kide bik hitza hartu zuten urte luze hauetan lan egin eta lagundu duten guztiei babesa eskertzeko. Amaitzeko musikarekin, jaten eta edaten eman zuten urteurrenaren azken tartea.
Aiaraldea Komunikabideak eta KOTek 30 urteko ibilbidea errepasatzen duen erreportajea ondu dute elkarlanean:
Argazkiak: KOT