Urtero bezala, abuztuari ongi etorri beroa emateko funtzioa beteko dute Ugarteko jaiek. Uztailaren 30tik abuztuaren 2ra luzatuko dira Laudioko auzo horretako jaiak. Ostegunetik igandera, lau egun, ekintzaz beteta goizetik gauera arte.
"Aurreko urteko dinamika berdina" jarraituko du aurtengo programak, Jai Batzordeko kideen esanetan. Bide horretan, gaueko musika eskaintzak pisu nabarmena izango du beste behin ere. Jonkass, Tatta eta HBN igoko dira oholtzara ostiralean, eta NØT, Zirkinik Bez eta DJ Pakita Penas larunbatean.
Horrez gain, antolatzaileek nabarmendu dute berriro antolatuko dela mus azkar txapelketa, eta tortilla eta bizkotxo txapelketak batera egingo direla ere azpimarratu dute, igande goizean izango baitira biak.
Torneoari aitortza
Ostiraleko txupinazoa izango da egitarauko ekitaldi berezienetako bat, omenaldia egingo baitiete bertan auzoko futbito txapelketa "hasieratik gaur egunerarte" antolatzen ibili diren pertsonei. "Jai batzordean gaudenok betidanik ezagutu dugu torneoa eta maiatzetik hasita jaiak izan arte auzoari bizitza ematen dion ekimen garrantzitsua da", goraipatu dute.
Hain zuzen, Ugarteko jaien egitarauaren barruan txertatu dituzte txapelketako finalak. Bost norgehiagoka jokatuko dira ostiralean, eta beste zazpi, aldiz, larunbatean.
Batzordea, “trantsizio prozesuan”
Ez da lan makala lau eguneko egitaraua prestatzea. Jai batzordeko kideek urritik daramate bilerak egiten, eta jaiak hurbildu ahala erritmoa bizitu behar izan dute.
Azaldu dutenez, “trantsizio prozesuan” daude murgilduta uneotan, eta antolakuntzan parte hartzeko deia luzatu diete bizilagun guztiei: “Jende gaztea batu den arren, auzoko gazte gehiago Batzordean sartzera animatu nahi ditugu, laguntza beti eskertzen baita”.
EGITARAU OSOA
Uztailak 30, osteguna
16:00 // Tute txapelketa Ugarte Tabernan
Inskripzioak 15:00etatik aurrera
19:30 // Talo dastaketa Ugarteko Emakume Taldearen eskutik
Uztailak 31, ostirala
09:00 // Herriko plazatik hasita kalejira Lankaietako Lagunak taldearen eskutik Ugarteraino
11:00 // Alebin mailakoen futbito txapelketako Kopako finala
12:00 // Meza San Inazio elizan
12:00 // Infantil mailakoen futbito txapelketako kopako finala
13:00 // Kalejira San Roke Musika Elkartearen taldearen eskutik
17:00 // Kadete mailakoen futbito txapelketako kopako finala
18:00 // Jubenil mailakoen futbito txapelketako kopako finala
18:15 // Kun Kun batukadaren kalejira auzotik
19:00 // Jai hasierako txupinazio iragarlea
Jarraian, kalejira auzotik
19:30 // Jubenil mailakoen futbito txapelketako kopako finala
20:30 // Sardinada Auzolan taldeak antolatua txosnagunean
22:30 // Kontzertuak: Jonkass, Tatta eta HBN
Abuztuak 1, larunbata
10:00 // Baserritar eta artisau azoka
10:00 // Pilota eta pala partiduak Lamuzako frontoian Herriaren taldearen eskutik
10:30 // Benjamin mailakoen futbito txapelketako ligako finala
11:30 // Alebin mailakoen futbito txapelketako ligako finala
12:30 // Poteoa Arloteen eskutik
12:30 // Infantil mailakoen futbito txapelketako ligako finala
13:30 // Poteoa Aretako Txistularien eskutik
15:00 // San Inazio bazkari herritarra (Tiketak Ugarte eta Pozo tabernetan salgai)
Jarraian, Ganekoren bailableak eta igel txapelketa (Izen ematea 16:30ak arte txosnan)
16:30 // Senior mailakoen futbito txapelketako ligako 3. eta 4. postua
17:30 // Kadete mailakoen futbito txapelketako ligako finala
18:00 // Buruhandiak Galtzagorri taldearen eskutik
18:30 // Jubenil mailakoen futbito txapelketako ligako finala
19:30 // Senior mailakoen futbito txapelketako ligako finala
Jarraian, sari banaketa
22:30 // Kontzertuak: NØT, Zirkinik Bez eta DJ Pakita Penas
Abuztuak 2, igandea
13:30 // Tortila eta bizkotxo txapelketaren aurkezpena txosnagunean (Izen ematea 12:30ean)
Jarraian, sari banaketa
15:30 // Mus azkar torneoa (Izen ematea txosnagunean, 30 bikote gehien jota)
17:30 // Umeentzako gunea Basoan Kirikiño taldearen eskutik
18:30 // Dantza plaza
20:00 // Herri kirolak txosnagunean (Izen ematea 19:30ak arte)
Lokotx bilketa txapelketa
Txinga txapelketa
Jarraian, sari banaketa
20:00 // Odoloste jana Auzolan taldeak antolatua txosnagunean
23:00 // Jai bukaera traka
Abuztuak 3, astelehena
Umearen eguna: Barraketan prezio murriztuak
Oharra: Programazioak eta ordutegiek aldaketak izan ditzakete