ZOZKETA

Areta Trailean parte hartzeko dortsala zozkatuko du Aiaraldea Komunikabideak

Erredakzioa 2026ko ekainaren 16a
Deskargatu Info Ahotsak :

Iazko edizioko bi parte-hartzaile.

Aretako jaietan egiten duten proban parte hartzeko aukera emango du komunikabideak. Aurten uztailaren 25ean izango da kirol zita. 

Uztailaren 25ean egingo dute Areta Trail mendi lasterketaren VIII. edizioa. Jaien testuinguruan sortutako proba horrek 13 kilometroko ibilbidea proposatuko die korrikalariei eta 750 metroko desnibelari egin beharko diote aurre. Helduak 18:00etan abiatuko dira irteeratik eta umeak, aldiz, bost minutu beranduago

Alpitxu eta Goikogane zeharkatzen duen ibilbideak bi horniketa puntu izango ditu eta 200 plaza egongo dira gehienez.

Izen emateak 15 euro balioko du uztailaren 22ra arte eta lasterketaren egunean bertan 20 euro. Inskripzioarekin batera kamiseta oparituko dute, baina soilik bermatuko dute neurri egokia uztailaren 1a baino lehen adieraziz gero. 

Aiaraldea Komunikabideak dortsal bat zozkatuko du ekainaren 26an eta interesdunek hemen eman dezakete izena.

Kirola Laudio Areta

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide