Sugarrak Saskibaloi Klubak presidente berria izendatu du. Horrela, elkartea jende berriaren esku geratuko da eta batzen dituen dozenaka jokalarien ardura baita ere; eskola kirolekoak, zein federatuak.
Berez, prozedura osoa beteta aurkeztu den hautagaitza bakarra izan da Daniel Calera Canterorena, epeak eta baldintzak barne (hamabost sinadura bere zerrenda babesteko, esaterako).
Berarekin batera zuzendaritza batzordeko kideak honako hauek izango dira: Gonzalo Calera Santos presidenteordea, Maitane Martin Etxebarria idazkaria, Laura Gallego Otero diruzaina, Nora Aldekoa Garaio lehen bokala, Nerea Martin Bravo bigarren bokala eta Josu Martin Rey hirugarrena.
Zuzendaritza berriak ez du inolako apurketarik suposatuko orain dagoenarekin, aurretik aritu baitira arduren trantsizioa egiteko, klubeko iturriek azaldu dutenez.