Ebone enpresako zuzendari teknikoak, Jesus Cruz Aresek, oharra zabaldu du gaur azaltzeko zer gertatu den azken bi egunetan bere taldeak kudeatzen dituen Laudioko udal igerilekuetan.
Sorospen, garbiketa, mantentze-lan eta harrera zerbitzuaren enpresa esleipendunak adierazi du asteazkenean kloro maila gomendatutakoa baino txikiagoa zela, baina horrek ez zuela inoren osasuna arriskuan jarri.
Halaber, iragarri dute bihar larunbata 13:00ak arte ezingo dutela igerileku handiena erabilgarri izan, "istripuz" gorotza agertu baita barruan eta ezarritako osasun-protokoloak bete behar izan dituzte.
Taldeak aipatu du erositako lehen neurketa-ekipoek jatorriko kalibrazio-akatsak zituztela egiaztatu ondoren, beste gama batekoak erosi zituela, uraren parametroen eguneroko kontrolerako doitasun- eta fidagarritasun-berme handiagokoak.
Enpresak erantsi du sentitzen duela gorabehera horiek erabiltzaileei eragin ahal izan dizkieten eragozpenak.
Halaber, ziurtatu du Laudioko Udalarekin batera lanean jarraitzen duela Ellakuriko udal igerilekuetan ahalik eta zerbitzurik onena eskaintzeko.
Horregatik dio ekipoa sendotu duela, mantentze-lanetako langile gehiago sartuta, instalazioen funtzionamendua optimizatzeko eta denboraldi osoan antzeko gertakaririk berriro gerta ez dadin.