Legionella agertu da Laudioko zenbait udal azpiegituratan, baina ez igerilekuetan

Erredakzioa 2026ko uztailaren 11
Deskargatu Info Ahotsak :

Udalak ziurtatu du igerilekuetan ez dela legionella agertu, beste azpiegitura batzuetan baizik.

Laudioko Udalak berretsi du Legionella maila behar baino handia dela Gardeako kirolgunean, Aretako frontoian eta Kultur Etxean eta Ellakuriko kirolgunean, baina ez igerilekuetan. Egoera konpontzeko neurriak hartu ditu jadanik erakundeak.

Laudioko Udalak adierazpen publikoa egin behar izan du "sare sozialetan zabaldutako buloa" gezurtatzeko. Izan ere, tokiko erakundeak argitu duenez, legionella bakterioaren presentziak segurtasun protokoloek markatzen dutena gainditzen du lau azpiegitura publikotan eta osasun neurriak hartu dituzte erabiltzaileek harremanik ez izateko urarekin.

Hala ere, Udalak ukatu du bakterioaren presentzia igerilekuetan eta ziurtatu du egoera segurua dela azpiegitura horretan.

Berez, legionella Gardeako kirolgunean, Aretako frontoian eta Kultura Etxean eta Altzarrate futbol zelaian agertu da eta Udalak ekin dio egoera konpontzeari.

Hori dela eta, erabiltzaileek azpiegitura horiek baliatu ahal izango dituzte, baina ezingo dute harremanik izan hango sareko urarekin.

Osasuna Laudio

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide