Borroka feministari gorazarre eginez hasi dira Laudioko Jaiak

Aimar Gutierrez Bidarte 2026ko abuztuaren 15a
Gehitu gaitzazu Googlen
Deskargatu Info Ahotsak :

Hasi dira 2026ko Laudioko San Roke Jaiak. Atxilubioiak kuadrillak jaurti du txupinazoa, borroka feministari gorazarre eginez. Goizeko lehen ordutik jende uholde batek hartu ditu herriko kaleak.

Lehertu da jaia Laudion. Jendez gainezka zegoen Herriko Plaza izan da festaren lehenengo minutuen epizentro. Atxilubioiak kuadrillak jaurti du txupinazoa, borroka feministari gorazarre eginez.

Aurretik, jai kuadrillek gosari herrikoian hartu dituzte datozen egunetarako indarrak, eta kalejirak kolorez eta burrunbaz bete ditu erdiguneko kaleak, etortzeke zegoenaren aurrekari.

Aiaraldea Komunikabideak zuzeneko emisioa egin du udaletxeko balkoitik:

Abuztuaren 30era arte luzatuko dira Laudioko Jaiak, hemen kontsultatu daiteke egitaraua osorik.

Argazkiak: Aimar Gutierrez Bidarte

Kultura Laudio

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide