PPk Gasteiztik ekarri du Laudiora bere hurrengo alkategaia: Guillermo Saez Viana. 49 urtekoa, enpresen administrazio eta zuzendaritza ikasketak egin zituen eta autonomoa da duela 16 urte.
Jarduera pribatu horretan ardura ugari izan ditu Ajebask euskal enpresari gazteen elkartean, CEAJEn, Espainiako enpresari gazteen konfederazioan eta SEAn, Arabako patronalean.
2024an Ana Moralesen ordez hartu zuen tokia Arabako Batzar Nagusietan eta ekonomiaren, aurrekontuen, enpleguaren eta garapenaren esparruetan aritu da, bereziki. Besteak beste, Aiaraldeko Industrializaziorako Mahaian parte hartu du.
Bere ustez, Laudiok aldaketa behar du eta ilusioa eta galdutako aukerak berreskuratzeko proiektua.
Momentuz, alderdiek publiko egin duten Laudiorako alkategai bakarra da PPrena.