Omniak kritika tonua gogortu du EH Bilduren udal gobernu taldearen kontra eta zabaldu duen azken oharrean leporatu dio fidagarria ez izatea, sanrokeetan Doctor Fleming kalean prestatutako aparkalekuaren auzia mahai gainera ekarrita.
Oposizioko taldeak aipatu du 2025ean Doctor Fleming kalearen paraleloan dagoen udal-jabetzako espazioa urbanizatzeari buruzko akordioa sinatu zutela, baina ez dela egikaritu.
Udal gobernu taldeak Omniari azaldu dio egitasmo hori gauzatuko dela unitate osoaren urbanizazioarekin: "Proiektua 2012koa da, eta ez dago zantzurik hurrengo urteetan gauzatuko dela pentsarazteko. Aldiz, badakigu akordio bat dagoela eta beste behin, bost axola zaie".
Gauzak horrela, alderdi independenteak kritikatu du aparkalekua sortu izana jaietarako, adostutako esku-hartzearen ordez: "Hor aparkaleku bat egon beharko litzateke, horma botata egoteaz gain, kaleari zabalera handiagoa emateko, hiri-altzari batzuk eta abar".