AZKEN ORDUKOA

Bizilagun bat artatu dute Latiorroko etxe batean piztutako sutean, kea arnasteagatik

Erredakzioa
Gehitu gaitzazu Googlen
Deskargatu Info Ahotsak :

Suhiltzaileen hainbat kamioi bertaratu dira egoera bideratzera. / Aiaraldea.eus

Larrialdi zerbitzuak auzoan bertan ari dira bizilaguna artatzen, eta sua itzalita dago dagoeneko. 

Sua piztu da gaur iluntzean Laudioko Latiorro auzoko Pagolar kaleko etxebizitza batean. Larrialdi zerbitzuek 20:40an jaso dute abisua eta suhiltzaileak, Ertzaintza, Udaltzaingoa eta anbulantzia bertaratu dira egoera bideratzera.

Ordubete baino gutxiago baliatu dute sua itzali eta egoera kontrolatzeko. Bizilagun bat eraman dute esku-ohean anbulantziara, eta bertan artatu dute kea arnasteagatik.

Antza, sua sukaldean piztu da, lekukoek Aiaraldea Komunikabideari azaldu diotenez, baina poliziak ez du hori baieztatzerik izan, esku-hartzea irekita dagoelako oraindik. 

Post by @aiaraldea@tkm.eus
View on Mastodon

Jendartea Laudio

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide