Tokiko merkataritza sustatzeko ekimena aurkeztu dute Envases Metalurgicos de Alava S.A enpresak, Apill-ek eta Laudioko Udalak. Hiru entitateek akordioa lortu dute Laudioko ontzi fabrikako langileek opari-txartelak jaso ditzaten, aurtengo Gabonetan herriko dendetan baliatzeko.
Apill-ek sustatutako Laudio Berrikusi aplikazioaren bidez kudeatuko ditu opari-txartel horiek. Nabarmendu dutenez, aplikazio horrek udalerriko 7.100 erabiltzaule ditu dagoeneko.
"Enpresek, langileek eta erakundeek gertuko ingurunearekin duten konpromisoa" indartu nahi dute egitasmo honekin, "Gabonetako opari edo pizgarrietara bideratutako gastua zuzenean herriko denda eta zerbitzuetara itzularaziz".
Gauzak hala, inguruko beste enpresei ere luzatu diete antzeko ekimenak abian jartzeko gonbita, "tokiko ekonomia eta kontsumoa babesteko sinergiak" sortzeko.