Parkea Kultura Topagunearen irekieraren ostean, tokiko sortzaileen lanak ikustarazten dihardu Kulturzaleak Elkarteak, Kulturlab egitasmoaren barruan. Bide horretan, bi zita antolatu zituen kultur taldeak iragan astearen amaieran.
Alde batetik, ostegunean Jose Ramon Ais artistak hitzaldia eskaini zuen Kultura Etxeko Berrikuntza Aretoan, bertan ikusgai jarri duen Gauean dir-dir egiten dute (Brillan en la noche) bideo-instalazioaren inguruan. Abenduaren 23ra arte egongo da erakusketa hori bertan, espazioaren ohiko ordutegian.
Ostiral arratsaldean, aldiz, Arantza Escondrillas Ugartondoren erakusketa inauguratu zen, Kulturlaben lokalean. Azaroaren 29ra arte egongo dira ikusgai sortzaile laudioarraren margolanak espazio horretan, ostegunetan (12:00etatik 14:00etara eta 18:30etatik 20:30etara), ostiraletan (18:30etatik 20:30etara), larunbatetan (goiz eta arratsaldez) eta igandetan (goizez soilik).
Argazkiak: Kulturzaleak Elkartea