Aratusteetako argazki lehiaketa antolatu du Aiaraldea komunikabideak, beste urte batez. Martxoak 2 arte iraungo du dinamikak. Izan ere, otsailaren 25 arte egon da argazkiak bidaltzeko aukera, eta astebeteko tartea izango dute erabiltzaile zein irakurleek euren begitara lanik ederrena aukeratzeko. Hala, boto gehien eskuratzen dituen egilea izango da garailea.