Igandean ospatuko dute Okondon Udazken Azoka herriko pilotalekuan. Euskal Herriko arrazak sustatzeko helburuarekin antolatu dute Eoalak -Euskal Oilo eta Antzarren hezitzaileen elkarteak- eta Okondoko Udalak.
Egitaraua
Udazken Azoka, azaroaren 6an, igandean, egingo dute eta goizeko 11:30ean hasiko da Untxien eta “Euskal Oiloak” oiloen erakusketa eta lehiaketa.
Ondoren 12:30ean umeentzako tailerrak egongo dira eta 13:00etan dantza plaza. Jarraian, 13:15ean haragi gisatua dastatzeko aukera eskainiko dute. 14:00etan sari-banaketaren ordua izango da eta, 15:00etan zozketa egingo dute.
50 untxi baino gehiago
Ez da egun osoan musika animazioa faltako. Jada, Bizkaia Araba, Gipuzkoa eta Nafarroatik ekarriko dituzten untxiak 56 baino gehiago direla adierazi dute antolatzaileek. Larragatik ere ekarriko baitituzte untxiak Okondora.
Aurrera begira Arabako Txapelketa egiteko asmoa dute. Besteak beste, Okondon ikusgai egongo diren untxien arrazen artean: “Gigante de Flandes”, “Viena”, “Borgoña”, “Senia”, “Neozelandes”, “Giganate Mariposa”, “Mariposa Tricolor”, “Gigante Belier” “Plateado alemán”, “Californiano” eta indar berezia jartzen ari den baita “Euskal Untxia” ere.
Izan ere, untxizainek “Euskal Untxia”-ren arrazaren aldeko lana egiten ari dira egun, zaintzen eta suspertzeko asmoz. Horretan ari dira lanean eta “Euskal Untxia”-ren arraza bultzatzeko urratsak ematen ari dira.
Parte-hartzaileak azokan
Okondon ospatuko den Udazken Azokan, azaroaren 6an, igandean, txosna ere egongo da eta inguruan, gazta eta ogia egileen postuak ere jarriko dituzte bisitari guztientzat.