ALMUDENA OTAOLA (Okondo) jeltzaleak ekin dio hirugarren hauteskunde kanpainari jarraian Espainiako Senaturako hautagaia izan ostean. Legebiltzarreko zerrendetan Arabako hautagaia izateko hautatu du EAJk, 8. postuan, alegia. Okondoko udalean zinegotzi eta Arabako Batzar Nagusietan aritu da.
Berriro hauteskunde kanpainan buru-belarri ari zara, hirugarrena jarraian, nekatuta zaude edo kanpaina bakoitza ezberdina da?
Kanpaina bakoitza desberdina da. Lehenengoa eta bigarrena, nahiz eta era bera izan, desberdinak izan ziren, eta orain gure benetako hauteskundeak dira.
Dena den, niri asko gustatzen zait kanpaina egitea, jendearekin denbora pasatzea oso erakargarria da.
Kanpainan hainbat ekitaldi egin dituzue eskualdean, nola bizi izan duzue?
Pozik, esaten dudan moduan, prest. eta gogotsu nago Euskadiren alde lan egiteko
Erronka polita izan da.
Nola baloratzen duzu azken legealdia?
Zaila izan da, baina gauza asko lortu dira. Bidea luzea da eta gauza asko daude egiteke, baina norabide zuzenean gaude.
Eusko Jaurlaritzak lan ona egin du.
Zeintzuk izango dira hurrengo legealdiko erronkak eta zein EAJk zabaldu nahi duen mezua?
Programan esaten dugun moduan, 15 erronka daukagu aurrean eta Urkulluk esan bezala, hitza ematen dugu betetzeko.
"Enplegua %10 jaistea da premiazkoa, baina besteak ere oso garrantzitsuak dira".
Zabaldu nahi dugun mezua da jendarteak konfiantza eduki behar duela EAJn, Euskadi eraikitzen ari gara guztion artean. Guztion artean lortu dugu Euskadi gero eta hobeto egotea, bide onenean gaude eta Euskadi hobeto egoteko bakarrik lortu dezakegu Urkullu lehendakariarekin. Bera da kapitaniarik onena Euskadi eraikitzeko.