Aurten ere parranda bikoitza egongo da Okondon abuztuan. Gaurtik 9ra San Romango jaiak ospatuko dira; eta 21etik 25era, berriz, San Bartolomekoak. Bi festetako egitarauetan ez dira faltako urtez urte errepikatzen diren ekintzak: mus txapelketa, ur parkea, plater-tiroketa, txu-txu trena, barraskilo lasterketa, ezkongabeen eta ezkonduen arteko areto futbol partida... Ekintza horietako batzuk bitxiak edo berritzaileak iruditu ahal zaizkio Okondon bizi ez denari, nahiz eta herriko jaietan ia urtero egiten diren jarduerak izan.
[video:https://vimeo.com/137274844]
Alabaina, ez dira ekimen berriak faltako. Ekintza berri horien artean aipatzekoa da, adibidez, 23an egingo den haurrentzako entzierroa (ikusi 14. orriko artikulua) edota egun berean “sagardotegi mugikorrarekin” egongo den herri afaria.
[video:https://vimeo.com/105169410]
Nabarmentzekoa da baita hilaren 25ean herrian ikusteko aukera egongo den antzerkia: Pez Limbo konpainiaren “Almacenes la Parissiene” lana. Antzerki talde horretako kideek azaldu dute “hitzik gabeko ikuskizuna” dela Okondon aurkeztuko dutena, “isiltzen ez den jendeari buruzkoa”. Egun horretan amaituko da Okondoko jaien maratoia, goizeko ordu txikitan antolatzen duten txapel jaurtiketarekin.
SAN ROMAN JAIAK: EGITARAU OSOA
Abuztuak 8, astelehena
17:15 // Bizikleta edo patin irteera Vetillatik Ugaldekoikora
17:30 // Txupinazoa eta umeentzako jolasak
19:00-20:00 // Bola-jaurtiketa (20 sailkatu) eta sari banaketa
20:30 // Odolki jana Arloteen emanaldiarekin
22:30 // Mariatxien kontzertua
23:00 // Mus txapelketa
Abuztuak 9, asteartea
12:00 // Meza San Romanen omenez
12:30 // Pintxo dastaketa (Okondogoienako eskolan eta Ventillan)
13:00 // Igel-toka txapelketa
17:30 // Briska txapelketa
18:30 // Haurrentzat j olas parkea
20:00 // Makila jaurtiketa
22:00 // Herri-afaria
23:30 // Disko-festa
SAN BARTOLOME JAIAK: EGITARAU OSOA
Abuztuak 21, igandea
10:00 // Field Target Txapelketa
12:30 // Meza
14:00 // Edadetuen bazkaria
16:00 // Musika-animazioa
Abuztuak 22, astelehena
17:00-20:00 // Odol ematea
Abuztuak 23, asteartea
11:00 // Paella lehiaketa
13:00 // Jaietako pregoia eta txupinazoa
14:00 // Bazkaria pilotalekuan eta Igel-toka txapelketa
17:00 // Briska txapelketa
18:00-20:00 // Bola txapelketa
19:00 // Haurren entzierroa eta diskoteka
22:00 // Herri-afaria, Sagardotegi mugikorra
23:30 // Dantzaldia: Sua Band taldea
Abuztuak 24, asteazkena: San Bartolome
11:30 // Bizikleta kalejira eta ur parkea
12:30 // San Bartolomeren omenezko meza
13:00 // Eskupilota partidak
17:00 // Mus txapelketa
16:00-19:30 // Ur parkea
18:00 // Areto futbol partida: ezkongabeak ezkonduen aurka.
18:00-20:00 // Bola-txapelketa
20:30 // Nafarroako jotak: La Ribera Canta taldea
21:30 // Burruntzian erretako txahal jana
23:30 // Xaibor disko jaia
Abuztuak 25, osteguna: San Bartolome Txiki
12:00 // Tortilla lehiaketa
12:30 // Hildakoen omenezko meza
Txu-txu trena
17:00 // Tute eta plater-tiroketa txapelketa
18:00 // Frontenis txapelketako finala
Barraskilo-lasterketa
19:00 // Antzerkia “Almacenes la Parissiene”
20:30 // Herriko txorizo jana
22:00 // Mozorro lehiaketa
23:00 // Dantzaldia: Jupiter taldearekin
01:00 // Txapel jaurtiketa