Okondo Aurrerak oharra zabaldu du salatzeko asteleheneko udal osoko bilkuran onartu zutela Sergio Tato alkateak lanaldi osora itzultzea, baina soldata ez diotela bikoiztu.
Legealdia hasieran, eta oposizioaren eraginez, lanaldia eta soldata murriztu zioten alkateari. Herenegun, Euskadiko Udal Elkaterko Legea baliatuta -32. artilukua, alegia- Okondo Aurrerak proposatu zuen alkateak lanaldi osoa izatea berriro.
Izan ere, EAJk eta EH Bilduk bultzatutako legeak jasotzen du 1.000 biztanletik gorako udalerrietako alkateek lanaldi osoa izan behar dutela. Gauzak horrela, bi alderdiak abstenitu ziren eta egitasmoak aurrera egin zuen.
Soldata bera
Hala ere, Okondo Aurrerak lanaldia ez ezik, soldata ere bikoizteko eskaera egin zuenean (hau da, 22.000 eurotik, 44.000 eurora) EAJk eta EH Bilduk aurka bozkatu zuten. Ondorioz, Sergio Tatok lanaldi osoko jarduera egin beharko luke soldata beraren truke.
Okondo Aurreraren aburuz, bi alderdiek erabiltzen dute udal legea euren alkateek soldata onak izan ditzaten -Zeberioko EAJko alkatearen kasua aipatu dute-, baina gainerako alkateen kasuetan soldata gehiegizkotzat jotzen dute.