aiaraldea.eus

27 urteko kartzela zigor eskaera Okondon gertatutako 11 sabotajerengatik

Erabiltzailearen aurpegia Erredakzioa   Jendartea  Okondo
27 urteko kartzela zigor eskaera Okondon gertatutako 11 sabotajerengatik

Okondoar bat epaituko dute Gasteizen asteazkenean ustez 11 sabotaje egiteagatik. Arabako fiskaltzak 27 urte eta 3 hilabeteko kartzela zigorra eskatuko ditu bere aurka eta horrez gain baita 93.500 euroko isuna ere.

Okondoar bat epaituko dute Gasteizen asteazkenean ustez 11 sabotaje egiteagatik. Arabako fiskaltzak 27 urte eta 3 hilabeteko kartzela zigorra eskatuko ditu bere aurka eta horrez gain 93.500 euroko isuna.

Akusazioak 11 sabotaje leporatu dizkio atxilotuari: etxebizitzen, lantegien, azpiegitura telefonikoen eta ibilgailuen aurkako erasoak, alegia.

Fiskaltzak azaldu du ekintzak 2011ko urtarriletik 2013ko uztailera bitartean gauzatu zituela.

Mehatxuak

Akusazioak delitu gehiago leporatu dizkio preso dagoen okondoarrari. Alkatearen bulegoaren aurka tiro egitea egotzi dio, besteak beste. Gainera, mehatxuzko eskutitzak bidaltzea eta pintaketak ere inputatu dizkio.

Armak

Legez kanpoko ekintza gehiago leporatu dizkiote aurrekariak dauzkan akusatuari; poliziak pistola bat, isilgailua, 598 kartutxo eta lehergailuak egiteko substantziak konfiskatu baitzizkion.

Espetxean

Akusatua 2014ko otsailean atxilotu zuen Ertzaintzak eta geroztik espetxean egon da.

Ikusi argazki guztiak handiago

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa