BEGOÑA RODRIGUEZ GOMEZ (Zalla, 1972) Ametsus emakume elkarteko kidea da. Berak irakurriko du jaietako pregoia, elkarteko kideen partez.
Aurtengo jaietako pregoilariak izango zarete. Pozik?
Ametsus emakume elkarteak 25 urte bete ditu, eta makina bat ekintza egin ditu urte horietan zehar (tailerrak, hitzaldiak, sukaldaritza ikastaroak...).
Nik denbora gutxi daramat elkartean, baina 25 urteetan zehar elkartean lanean aritu diren emakumeek nik uste dut merezi dutela gogoratuak izatea.
Pregoia nolakoa izan den pentsatu duzue jada?
Oraindik ez dugu ezta zirriborro bat ere ez (barreak). Nik, elkarteko kiderik gazteena naizen aldetik, elkartean denbora gehien daramatzaten kideekin hitz egiteko asmoa daukat.
80 urte baino gehiago dituen eta ni bezala Begoña deitzen den emakume batekin hitz egin nahiko nuke bereziki, taldea nola hasi zen jakiteko. Horrela, pregoia irakurtzen dudanean jendeak jakingo du Ametsus nondik datorren eta nola hasi zen elkartearen ibilbidea.
"Jaietako ia ekintza guztietan hartzen dugu parte"
Eta nondik dator eta zer ibilbide egin du, bada, Ametsuts-ek?
Ezer gutxi esan dezaket horren inguruan. Oso pozik nago pregoia irakurtzeko hautatu nautelako, baina ez dut Begoñak (kide beteranoak), adibidez, bezainbeste informazio elkartearen inguruan. Horregatik, ezer baino lehen, berarekin hitz egin nahi dut.
Zer nolako ekintzak egiten ditu Ametsuts-ek?
Ehoziriak, joskintza eta errestaurazio eskulanak egiten ditugu bereziki. Baina aurten ezin izan dugu gauza askorik egin, gure lokala obretan egon delako. Baina hitzaldiak eta hainbat gaien inguruko ikastaroak ere eskaini ditugu.
Jaietan ere parte hartzen duzue, ez?
Bai, bai. Hainbat ekintza egiten ditugu. Berez ia ekintza guztietan hartzen dugu parte: Paella eta tortilla lehiaketan gaude, eta arkumearen erreketan ere laguntzen dugu. Aurten txorizo eta solomo pintxoak egiten ere lagunduko dugu, txosnan ere egongo gara... leku guztietan.
"Geroz eta jende gazteagoa dago. Horregatik, elkartea mantentzea espero dugu"
25 urte beteta, beste 25 betetzeko indarrarekin?
Noski baietz! Marka altu utzi beharko dugu! Orain arte egon direnak 25 urte iraun dute, eta hori lehen Okondon jende gutxiago zegoela. Jendeak parte hartzen jarraitzen du.
Geroz eta jende gazteagoa dago, gainera. Horregatik, mantentzea espero dugu; garrantzitsua da hori.