EH Bilduk oharra zabaldu du Okondo Aurrera taldeak egindako adierazpenei erantzuteko. Horrela, koalizioak argudiatu du EAJrekin adostasuna heldu dela Okondo Aurrera ez delako haiekin harremanetan jarri.
Horretaz gain, EH Bilduk harropuzkeriaz jokatzea leporatu dio udal gobernu taldeari eta akordiorik lortzeko asmorik ez daukala ere esan du.
Koalizioak azaldu du horren adibidea dela Plan Foralarekin gertatu dena. EH Bilduk adierazi du lan horien inguruko proposamenak oso azalekoak izan direla eta azken unean egin dituztela: “Okondo Aurrerak jakinda gaiaren garrantzia, gure ustez, intentzio osoz azken momenturako utzi dute, urduritasun egoera sortuz exijitzen digu oposizioari proiektu horien alde bozkatzea
jakin barik obra horien nondik norakoa, aurrekontua, finantzatzeko modua... eta proposamen horiek aurrera ez ateratzerakoan oposizioari errua leporatzea eta listo. Gobernu taldeak aurkezten duenez oposizioak onartzea baino ez dugula egin behar sinistuta daudela dirudi. Gero nahikoa daukate esatearekin besteok batu egin garela.”
EH Bilduren ustez udal gobernu taldeak ez du onartu gehiengo osoa ez daukala eta ondorioz bere jarrera aldatu behar duela.