Okondoko udal gobernu taldeak oharra zabaldu du herritarren artean salatzeko EAJk eta EH Bilduk udaleko gobernagarritasuna arriskuan jartzen duela.
Uztailaren 2an egindako udal osoko bilkura hartu du aintzat Okondo Aurrerak jeltzaleek eta EH Bilduk akordioa dutela adierazteko.
Pasa den astean oposizioak adostu zuen alkatearen lan jardunaldia erdira murriztea. Okondo Aurrerak ziurtatu du egun horretan EH Bilduko bozeramaileak esan zuela EAJ eta EH Bildu ados zeudela hainbat gaietan eta aurretik landu zutela.
Kritikak
Okondo Aurrerak salatu du EAJk hainbat lekutan igo dituela alkateen soldatak EUDEL-eko irizpideak jarraituz, Okondon alkataren soldatza murritzen duen bitartean.
Bestalde, EH Bilduri leporatu dio 2015eko aurrekontuetan onartzea alkateak lan jardunaldi osoa izatea. Gainera, talde independenteak esan du 1999an Euskal Herritarrok taldeak babesa eman ziola alkateak lanaldi osoa izateari.
Okondo Aurrerak uste du oposizioko taldeek ez dituztela hauteskundeen emaitzak onartu eta ez dakitela zein neurrian kaltetuko duten udaleko funtzionamendua.