Artziniegan izan ezik, beste udalerri guztietan alkate izendatu dituzte alkategai bozkatuenak

Erredakzioa 2015eko ekainaren 13a
Deskargatu Info Ahotsak :

Aiaraldeko udalerri guztietan osoko bilkurak izan dira goizean zehar, eta Artziniegan izan ezik beste guztietan maiatzaren 24an boto gehien lortu zituen alkategaia izendatu dute alkate. Horrela, EH Bilduk 4 udalerrietan eskuratu du aginte makila: Laudion Natxo Urkixok, Arrankudiaga-Zollon Itziar Duoandikoetxeak, Urduñan Idoia Aginakok eta Arakaldon Jabi Asurmendik. Artziniegan boto kopuru handiena EH Bilduk eskuratu bazuen ere, Iñigo Gomez EAJko alkategaiak PPren botoa jaso du eta alkate izendatu dute. 

09:00etan eta 09:30ean izan dira udalak eratzeko udalbatzak Okondon eta Amurrion, hurrenez hurren. Okondon Sergio Tatok -Okondo Aurrerako hautagaia- eta Amurrion Josune Irabien EAJko hautagaiak eskuratu dute alkatetza.

Bi herrieta, Amurrion zein Okondon, zerrenda bozkatuenak lortu du bere zerrendaburua alkate izatea.

Okondoko kasuan EAJk eta EH Bilduk ere bere hautagaiak aurkeztu dituzte eta Amurrion aldiz EH Bilduk, Amurrio Guk Baik eta Orain Amurriok proposatu dituzte haien zerrenda buruak.

Sergio Tatok eta Josune Irabienek mezu bera zabaldu dute; hurrengo 4 urteetan gainerako alderdiekin akordio zabalak lortzen saiatuko direla, alegia.

Okondo

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide