Okondoko Udalak, herriko elkarteek eta Arabako Foru Aldundiak, Araba Euskaraz egunaren atarian euskaraz jantziko dute Okondo herria, beraz, euskarak piztuko du herria.
Igandea, hilak 14, ospatuko da Araba Euskaraz, Oiongo Ikastolaren aldeko festa, aurten, Arabako hiriburura eramango dute jaia, Gasteiza, alegia.
Okondon ere euskararen aldeko jaia
Bien bitartean, Okondon, ostiralean bertan ekingo diote egitarauari arratsaldeko 17:30ean; Arenalde Parkean umeentzako tailerrak egongo dira.
Arratsaldeko 20:00etan Arenalde Parkean bertan, Diskojaia egingo dute, haur, gazte eta familientzat.
Ondoren, Afari-Dastatzea egongo da, -bi kazola eta ogia-, hori ere Arenalde Parkean bertan.
Txartelak
Horrez gain, edariak erosteko txosna ere zabalduko denez, 2 euroren truke Afari-Dastatzeaz gozatzeko aukera eskainiko dute. Kontuan izateko oharra; bertako mokadu goxoak jan eta tragoxka hartzeko, aurrez erosi beharko dira txartelak, ekainaren 11 arte egongo da denbora horiek eskuratzeko.
Txartelak ohiko tokietan egongo dira salgai; Okondoko tabernatan, supermerkatuan eta baita Okindegian ere. Ostiralean festak jarraituko du eta Arenalde Parkean gaueko hamarretan Diskojaiaren jarraipena iragarri dute.
Larunbateko egitaraua
Larunbatean, hilak 13, Okondo Eskolatik aterako den Mendi-Txango familiarra proposatzen dute, goizeko 09:30ean aterako da eta Aspuru auzoa, Ermu, Torrontegieta, Kamaraka, Kastillozar, eta Aspurura ibilaldia osatzeko plana egin dute.
Eguraldi txarra egingo balu, Mendizaletasunari buruzko familientzako solasaldia egiteko B plana ere prest dago. Hitzaldia, Okondoko Eskolan egingo lukete eta bertan hizpide hartuko dituzten gaien artean; nola sustatu mendizaletasuna, mendian ibiltzeko aholkuak, materialak eta abar jasoko dira. Txangoan zein solasaldian parte hartzeko, aurrez eman beharko da izena, horretarako, Okondoko Udalera deitu beharko dute interesdunek, 945 89 80 23ra ekainaren 11 baino lehen.
Igandean Gasteiz
Euskarak dena piztu duenean, orduan ospatuko da, ekainaren 14an, igandean, ARABA EUSKARAZ FESTA GASTEIZEN eta horretarako ere autobusak antolatu dituzte. Goizeko 10:00tan autobusa aterako da eta geltoki bi egongo dira; Batzokian bata eta Txaparron bestea. Gasteiza autobusez joateko izena eman beharko da ekainaren 11 baino lehen Okondoko Udalean bertan, prezioari dagokionez; 12 urtetik beherakoek euro bat ordaindu beharko dute, eta hamabi urtetik gorakoek 3 euro. Bestalde, Okondo Udalak ohartarazi du, Gasteiza joango den autobusa ateratzeko gutxienez 20 lagunek eman beharko dutela izena.