SERGIO TATOk zerrenda bozkatuenaren burua izatea lortu du Okondo Aurrera taldearen eskutik. Bakarka gobernatzeko asmoa adierazi du.
Lehenik eta behin, pertsonalki nola sentitzen zara hauteskundeak irabazi ostean?
Oso pozik sentitzen naiz. Talde txiki bat gara eta bi alderdi nagusien aurka aurkeztu gara. Emaitza oso ona da.
Gainerako taldeen emaitzak nola baloratzen dituzu?
Talde bakoitzak egindako lana baloratu behar du. Ni ez naiz inor gainerakoen lana baloratzeko.
Hurrengo legealdirako zein da zuen helburua? Bakarka edo koalizioan gobernatzea?
Gu aurkeztu gara hauteskunde hauetan gobernatzeko eta gure asmoa da bakarka gobernatzea.
Eta beste taldeek uste duzue koalizioa osatuko dutela?
Ez dakit, hori EH Bilduren erabakia da.
Zuen lehentasunak zeintzuk dira hurrengo hilabeteetan eta legealdian?
Gure lehentasuna egun da argiteria publikoa aldatzea eta LED sistema ezartzea eta aurrerago gure programa jarraituko dugu.
Eta zein da herritarrei helarazi nahi diezun mezua?
Aurpegia emango dugu eta lehentasuna Okondo izango da.