Ohitura bilakatuta dator Okondoko Baserritar Azoka, aurten martxoaren 22an, igandean ospatuko da eta anitzak dira antolatu diren ekitaldiak.
Urtero moduan, hainbat dira Okondoko Baserritar Azokaren antolakuntzan parte hartzen duten elkarte eta taldeak, aurtengo laguntzaileen artean, Okondoko Dantza taldea, Ametsuts eta Itzalde Abesbatza daude.
Okondon Baserritar Azokan Enkarterriko Villano txakur-arrazaren bigarren monografikoa ere egingo da A.C.A.V.E elkartearen eskutik.
Goizeko 10:00etan ekingo diote egitarauari eta hasteko, baserriko eta artisauen produktuen erakusketa eta salmentan irekiera egingo da. Ondoren, 11:00etan, taloak egiteko tailerra abian jarriko da. Ordu berean, bisitari gazteenen gozamenerako gaztelu puzgarriak ere prest izango dira eguerdira bitartean, horrela txikienek jolasteko aukera paregabea izango dute. Eguerdiko 12:30ean hitzordua jarrita dute Goloka taldekoek eta “Sorginak” kalejira egingo dute azokan.
Kalejiraz gozatzen ari diren bisitariak, ordu-batetan Eusko Labelen eskutik prestatutako saiheskia eta Gernikako piperrak dastatzeko moduan egongo dira, ordurako sutan erreta egotea espero baita.
Egitarauari begirada bota, eta ordu berean, hau da, mokadu goxoa eskutan edo ahoan dela, Euskal Dantzen unea iritsiko da. Zaramilloko eta La Quadrako Iratxo Dantza Taldea eta Aintzina Pikako dantzariek emanaldia egingo dute Itzalde Abesbatzak lagunduta.