Azken ukituen faltan, Okondoko Udaletxe berria badago amaituta. Eraikina adeitsuagoa, sartzen errazagoa eta ekologikoagoa da. Udala, datorren astean hasiko du instalazio berrietara lekualdatzen eta horregatik izapide eta dokumentazio eskaerak egin nahi dituztenek lehenbailehen egitea eskatu dute, lekualdaketarekin kudeaketa horiek atzeratu daitezkeelako.
Eraikin berriak hesi arkitektonikoak ezabatzeko apustua egin du, bai eta energia berriztagarriak, eraginkorrak eta kontsumo baxukoak erabiltzekoa ere, luminariaren kasuan bezala. Izan ere, herriko kaleetan ere led-ak jartzen ari dira elektrizitate fakturak txikitzeko eta kontsumoa hobetzeko asmoz.
Jendea hartzeko bulegoaren zerbitzua, udaletxe berriaren sarreran egongo da orain. Udalak ohartarazi du izapideak edo beste edozein kudeaketa egiteko abuztuko ordutegia goizeko 9etatik arratsaldeko 14etara artekoa izango dela.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
