Espetxeratu egin dute Okondon baserri bat erretzeagatik atxilotu zuten pertsona. Ertzaintzako prentsa arduradunak Aiaraldea Egunkariari adierazi dionez, gabon zahar gauean txalet bat erretzea leporatzen diote. Baita azken urteetan Okondon izandako beste hainbat eraso ere. Horien artean daude iazko uztailean Ugalde eta Olabarrieta auzoetako errepikagailuetan eragindako kalteak edo hipika eskolari eragindako kalteak.
Ertzaintza aspalditik egon da ikertzen herrian izandako erasoak. Atxilotuari 90.hamarkadako erasoak ere egozten dizkiote. Ertzaintzaren arabera, abenduaren amaieran egindako erasoaren ondorioz lortu dute ustezko ekintzailea atxilotzea. Egun hartan, San Roman auzoko egurrezko borda bat eta beste eraikin bat erretzen saiatu ziren.
Arabako Ertzaintzako Ikertzailea Kriminalen Espezialisten taldeak 36 urteko okondoar bat identifikatu du erasoen egile delakoan.
Hala, otsailaren 11an atxilotu egin zuten. Hiru egun beranduago, otsailaren 14an, Amurrioko epailearen aurretik igaro ostean espetxeratu egin zuten. U
stezko erasotzailearen etxean ekintzailea izan daitekeela frogatzen duten objektuak aurkitu dituzte. Besteak beste, suaren bidez erretzeko artefaktuak sortzeko materiala,