Datorren ostiralean Okondoko Astobiza upategian Koikili Lertxundi futbolaria eta Alex Txikon mendizalea egongo dira. Hitzaldiak "Euskara eta kirola" izenburua du eta ume eta gazteei zuzendua dago.
Ekitaldia Okondoko udalak eta Aiarako kuadrilak antolatu dute. Horretarako, ordea, Eusko Jaurlaritzaren eta Arabako Foru Aldundiaren laguntza jaso dute. Azaldu dutenez, hitzaldia 19:30ean hasiko da. Alabaina, ez da solasaldi hutsa izango. Bertaratzen direnek kirolarien autografoak jaso edo zozketan parte hartzeko aukera izango baitute. Ondoren, upategiko txakolina dastatzeko parada izango dute helduek. Umeek, muztioa edateko beta izango dute.
21:00etarako aurreikusi dute ekitaldiaren amaiera. Udalak jakinarazi duenez autobusez jaitsiko dira herrira.
Koikili Lertxundik eta Alex Txikonek eskualdean behin baino gehiagotan izan dira euskara sustatzeko ekimenetan. Laudion, esaterako, futbol entrenamenduak eman zituen Lertxundik. Txikon, aldiz, Amurrion Araba Euskaraz dela-eta, mendian bizitako abenturak kontatzen ibili zen iaz.