Igandean, hilak 22 Okondoko San Bartolome baselizaren atarian hasi eta Markesaren etxeko ateraino San Anton enkantea ospatuko da. Herriko jendeak parrokiara hainbat edari, janari, ahate, oilo eta abarrak eramaten ditu gero, igandean, meza ostean, eguerdiko 13:00ak inguru horretan, San Bartolome baselizan enkantea egiteko. Bertan jasotzen den dirua parrokiak jasoko du eta horretaz Andoni Armentia abadea arduratuko da. Mikrofonoa eskutan eta enkantea girotzen Sara Otaola egongo da, urtero hartzen du martxa jartzeko ardura eta aurten ere horrela izango da. Ohitura izaten da, Okondo gazte bat edo bik txerri hanka bat hartu eta jendea enkantean dagoen bitartean azken eskaintza egiteko denbora markatzea. San Bartolome baselizan hasi eta Markesaren etxeko ateraino iritsi arte, txerri hanka eskuan dutela eta atera iristen direnean, orduan bukatzen eskaintza egiteko denbora. Okondoko etxeko andreek egindako tartak ere izango dira, oso mokadu preziatua dira hauek, izan ere askotan 200 euro inguru ordaintzera ere iritsi baitira. Baserriko produktuak, eta betiko ahate eta abarrekin batera ospatuko dute igandean San Anton enkantea Okondon.