Datorren astelehenean emango zaie hasiera Okondoko San Bartolome jaiei. Egitarau oparoa osatu dute udalak eta jai batzordeak, abuztuaren 25rarte luzatuko dena.
Tortilla lehiaketetatik erromerietara, lasterketatik kalejiretara, astelehen goizeko txupinazotik aurrera ekintza eskaintza zabalaz gozatu ahal izango dute herritarrek. Baina asteburu honetarako ere hainbat ekitaldi prestuak dituzte okondoarrek. Bihar arratsaldean plater-tiro lehiaketa burutuko da eta igandean aldiz herri-bazkaria egongo da erretiratuentzat.
Jaietan sarturik, ugariak izango dira herria goizetik gauera girotuko duten ekimenak. Horien artean astearteko motor txapelketa dago, afari herrikoiaren ostean hasiko dena.
Baina bere bitxitasunagatik gailentzen diren hainbat ekintza ere badaude, abuztuaren 24an ospatuko diren barraskilo eta oilo lasterketak adibidez.
La ca-ca de la fortuna
Hortaz gain, aipatzekoa da jaien azken egunean burutuko den La ca-ca de la fortuna jolasa. Lehiaketa honetarako herriko plaza tamaina berdintsuko dozenaka laukitan banatuko da. Laukiak salgai jarriko dira, eta ondoren behi bat askatuko da plazaren erdian. Behiak kaka egitean, kaka erortzen den laukiaren erosleari sari bat emango zaio.