aiaraldea.eus

Baserri azoka izango da igandean

Erabiltzailearen aurpegia Izar Mendiguren Cosgaya   Kultura  Okondo

XX. Baserri azoka egingo dute igandean Okondon. Bertako produktuez gain, umeentzako ekintzak egongo dira.

Baserri azoka izango da igandean
Postu ugari egongo dira aurten ere Baserri azokan. Argazkia: aiaraldea.eus | Ikusi handiago | Argazki originala

Baserri azoka izango da nagusi asteburuan Okondon. Baserritarren produktuak ikusi eta erosteko paradaz gain, bestelako hainbat ekintza ere egongo dira. 9:00etan hasiko da festa Enkarterriko villano txakur-arrazaren IV. monografikoarekin. Ordu bat beranduago, 10:00etan, ekingo diete baserritar zein artisauek euren lanak erakusteari, orduan jarriko baita martxan feria gunea.

Umeen eskaintza
Helduentzat ez ezik, haurrentzako erakargarri izatea da festa egunaren asmoa. Hori dela eta, 12:00etan txokolatezko taloak prestatzeko tailerra egingo dute, eta goiz osoan puzgarriak egongo dira. Halaber, bide-segurtasunaren arloko prebentzio kanpainaren baitan zenbait dinamika proposatuko dituzte.

Jaki zaleak direnentzat, Eusko Label saiheskia edota Gernikako piperren dastaketa eskainiko dute. Azoka eguna izaki, trikitilariek girotuko dute ingurunea. Ametsuts, IGE eta A.D.A.V.E elkarteekin batera antolatu du Okondoko Udalak Baserri azoka, hogeigarrenez.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa