Goizeko 10:00etan hasi da Okondoko Baserri Azoka. Aurtengoa, hogeigarren edizioa izan da, eta bisitari ugari batu ditu feriak. Postuen artean eskualdeko ekoizleak izan dira nagusi: Orozkoko txorizoak, Agiñagako gazta, Ostenko baserriko taloak, ogiak zein euskal pastelak, besteak beste.
Ohi bezala, herri erdigunea bilakatu dute feria eremu. Trikitilarien animazioa dela medio, eguraldi eta giro onik ez da falta izan.Villano txakur arrazaren txapelketak jende asko erakarri du. Umeek, gainera, eskaintza bikoitza izan dute: batetik, txokolatezko taloak egiteko txokoa; eta, bestetik, gaztelu puzgarriak.
Herriko eragileak, presente
Horrez gain, Okondoko eragileek ere atondu dute haien gunea. Horren adibide dira Ametsuts elkartearen txosna, edo Okondoko Eskolarena. Ikastetxeko gurasoen eskutik, pintxo mordoa dastatzeko aukera egon da, baita kultura ezberdinetako jakiak ere. Gutizia zaleak direnek, aldiz, olagarroa, saiheskia, taloa edo piper berdeak jateko aukera izan dute.
LAGUN AGURGARRIA:
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide