Aho batez onartu zuen Okondoko udal osoko bilkurak Taldesport enpresari ematea igerilekuen kudeaketa. 33.500 euro ordainduko dizkio horretarako.
Ekainaren 17an irekiko dituzte azpiegiturak eta irailaren 10ean itxi. Ekainean eta irailean 12:00etatik 20:00ak arte egongo dira erabilgarri eta uztailean eta abuztuan, ordea, 11:30etatik 20:30ak arte.
San Bartolomen ur jaia antolatuko dute eta zenbait ikastaro ere emango dute.
Aurrekontuak ekainerako
2017ko aurrekontuari dagokionez, atzo adostu zuen oposizioak mahai gainean uztea eta ekainean eztabaidatzea.
EAJk proposatu eta EH Bilduk onartu zuen hori, denbora gehiago izateko zuzenketak eta proposamenak txertatzeko. Koalizioak argudiatu zuen udal gobernu taldeak ez duela ahaleginik egin akordioa lortzeko.
Okondo Aurreraren asmoa zen aurrekontuak bozkatzea eta leporatu zion EH Bilduri udalaren kudeaketa atzeratzea proiektuak egikaritu ez daitezen.
Igerilekuen kontratua onartu eta aurrekontuak mahai gainean utzi zituzten Okondon
Okondoko Udalbatzak onartu zuen atzo igerilekuen kontratu berria bideratzea eta atzeratu zuen 2017ko aurrekontuen eztabaida, alderdiek izan dezaten negoziatzeko denbora gehiago.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide