Udal arkitektoaren bateraezintasunei buruzko txostena eskatuko du Okondoko Udalak

Erredakzioa 2017ko uztailaren 5a
Deskargatu Info Ahotsak :

Frontoiaren berriztatzea da une honetan udalerrian abian dagoen obretako bat. / Okondoko Udala

EH Bilduk proposatu zuen ekimena ostegunean udalbatzan eta gainerako alderdiek onartu zuten. Hala ere, helburuarekin ados egon arren, Okondo Aurrerak azaldu zuen ez zuela bat egiten testuarekin.

COAV Euskal Herriko Arkitektoen Elkargo Ofizialak maiatzaren bukaeran bidali zuen jakinarazpena Okondo Udalera adierazteko bateraezintasunak ematen direla kontzejuetan udal arkitektoak bertan obrak zuzentzen dituenean, alegia. Ondorioz, txosten horiek ez dituzte tramitatuko.

Hori dela medio, EH Bilduk ekimena aurkeztu du COAV-ek baloratu dezan udalerrian ere hori gertatzen den. Koalizioaren asmoa da jakitea udal arkitektoak zuzendu ditzakeen lanak Okondon.

EH Bilduren ustez, interesen kontraesana dago arkitektoak berak onartutako obra zuzentzean. Alderdiaren aburuz, norbaitek bermatu behar du obra ondo burutzen dela, eta hori udal arkitekto bera izan behar da.

Jendartea Okondo

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide