Mendizaleen topaleku bilakatu da igande honetan Okondo. Izan ere, Ganekogorta mendi taldeak ibilaldi neurtua prestatu du. Distantziaren arabera, bi ibilbide proposatu dituzte: txikia eta handia. Lehendabizikoak 11.7 kilometroko zeharkaldia izango du, eta bigarrenak 23 kilometrokoa. Besteak beste, Pagolar, Otaola, Bikirrio/Beraaskola eta Jandiola gainak lotuko ditu zirkuituak. Ibilbidearen inguruko xehetasunak eskura daude www.ganekogorta.org webgunean.
Izen ematea
Antolatzaileek azaldu dutenez, hilaren 28 arte egongo da aurrez izena emateko aukera. Federatuek lau euro ordaindu beharko dituzte, eta gainontzekoek 6. Abiatze eta helmuga gunea Okondoko igerilekua izango da. Bestalde, argazki rallya planteatu dute partaideen artean.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
