Gijonera joan zen Aratz Garmendia asteburuan AFL 13 borrokaldian parte hartzeko, baina ez zuen zortea bere alde izan.
Izan ere, lehen roundaren hasieran, Alejandro Jurado bere aurkariak atzamarra sartu zion begian eta betazalean zauri egin zion. Horren ondorioz, Aratz Garmendiaren ikusmena erdira murriztu zen, eskuineko begiaz ez baitzuen ikusten. Medikuek eta epaileak erabaki zuten borroka bertan behera uztea.
Kolpea legez kanpokoa eta nahigabekoa izan zenez, eta puntu nahikorik ez zegoenez erabakia hartzeko, emaitzarik gabe -No contest, alegia- sailkatu zuten epaileek borroka. Garmendiak begirune osoa eskatu zuen Alejandro Juradorentzat, errespetuz jokatu baitzuen, bere aburuz.
Hurrengo borroka azaroaren 11n
Lesioak ez du saihestuko, dena den, Aratz Garmendiaren hurrengo hitzordua. Berez, milaka ikusleren aurrean lehiatuko da Miribillako Bilbao Arenan, Masters Series 11 borrokaldian.
Asteburuko borroka hemen ikus daiteke:
Legez kanpoko kolpea jaso ostean, bertan behera utzi zuten Aratz Garmendiaren borroka
Aratz Garmendiaren aurkariak nahigabe sartu zion atzamarra begian borroka hasi bezain laster eta zauria eragin zion. Hori dela medio, bertan behera utzi zuten lehia, begi bakarrez ikusten baitzuen Okondon bizi den kirolariak.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide