9 helbide izatetik 24 izatera pasako da Okondo, kale-izendegi berriarekin

Erredakzioa 2018ko otsailaren 22a
Deskargatu Info Ahotsak :

24 helbide izango ditu udalerriak guztira. / Okondoko Udala

Seinale berriak jarri eta biztanleen errolda berrituko dute. 

Okondoko Udalak jakinarazi du datozen hilabeteetan jarriko duela indarrean kale-izendegi berria. “Udal osoko bilkura onartu zen proposamena iaz, eta aurten jarriko dira seinale berriak”, iragarri du Jakue Aramburu Ribado zinegotziak.

Diseinu hau izango dute seinaleek:

Zinegotziak aurreratu duenez, bederatzi helbide izatetik 24 izatera pasako da udalerria. Seinaleak kokatzeaz gain, beste hainbat administrazio-lan ere egingo dituzte: biztanleen errolda berritu eta egiten diren aldaketen berri emango diete herritar zein erakundeei.

Hemen ikusi daitezke egingo diren aldaketa guztiak:

Politika Okondo

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide