Atzo egin zuten Okondoko Udaletxean maiatzeko Udal Osoko Bilkura. Bertan udal-taldeen arteko adostasuna izan zen nagusi. Erabakitako gauzen artean herriko igerilekuetako tabernaren alokatzea izan zen hizpide. Arazo pertsonalak tarteko, honen taberna kudeatzeko aurkeztutako lehenengo partikularraren ezintasunaren aurrean, jasotako bigarren eskaintza altuenaren alde jo du Udalak.
Maiatzaren 17an ospatu zen Nazioarteko homofobiaren aurkako eguna. Horren harira, adierazpen instituzionala irakurri du Udalak. Bertan, bazterketa mota ororen aurka azaldu da eta Udaletxeko balkoian LGTBIQ+ kolektiboaren bandera ostadarra eskegiko dute.
Etxez etxeko harreta zerbiztuak eskuordetzeko hitzarmena adostu dute ere, sektore honetako langileek bizi duten prekarizazio egoera eta azken asteetako protestak ere aintzat hartu dituzte.
Erregu eta galderetan egur-industrien kamioi astunek basabideetan eragiten dituzten kalteen gaineko kontrola izatea eskatu du EAJk. Alderdi guztiek azaldu dituzte beraien kezkak gai honekiko.