aiaraldea.eus

Urriaren 21ean izango dira Arabako Trikitilarien Topaketak Okondon

Erabiltzailearen aurpegia Aitor Aspuru Saez   Kultura  Okondo

Urriaren 21ean Arabako Trikitilarien IV. Topaketa ospatuko da Okondon, goizeko 11:00etatik aurrera. Horrez gain Arabako II. Trikiti txapelketa ere izango da egun horretan, ohiko Udazken Azokaren testuinguruan.

Urriaren 21ean izango dira Arabako Trikitilarien Topaketak Okondon
Iaz ere Okondon izan ziren topaketak. / Aiaraldea.eus | Ikusi handiago | Argazki originala

Txapelketa 22 urtetik beherako musikariei bideratuta dago eta urriaren 12ra arte egongo da izena emateko epea zabalik. Bikoteek hiruna pieza jo beharko dituzte: fandangoa, arin arina eta popurria.

Sariak
Irabazleek oroigarria eta 300 euro jasoko dituzte. Bigarren eta hirugarren sariak 200 eta 100 eurokoak izango dira, hurrenez hurren. Laugarren eta bosgarren postuetan geratzen direnek 50 euroko ordainsaria jasoko dute.

Izena emateko Okondoko Udaletxera jo edo tokiko erakundearen webgunean eskuragarri dagoen fitxa bete beharko da. Informazio gehiago eskatzeko aukera dago 945 89 80 23 telefonoan, Kultura Arloan.

Nabarmentzekoa da topaketan edozein adineko trikitilariek izango dutela parte hartzeko parada. Izan ere, trikitiaren ohitura sustatu eta hedatzea du helburu ekimenak.

Egitaraua
Topaketa ez da bakarrik musikarientzako eguna izango, jende orok parte har dezake ekintzetan. Honakoa izango da egitaraua:

11:00 // Ongi etorria trikitilariei San Bartolome plazan

11:15 // Kalejira herrian

12:00 // Trikitilarien elkarretaratzea azokan eta hamaiketakoa

12:30 // Bikoteen txapelketa

13:30 // Sari banaketa

14:30 // Bazkaria eta triki jaia

Iaz ere Okondon egin ziren topaketa horiek:

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa