Ganekogorta mendi taldeak larunbatean egingo du ibilaldi neurtua. Seigarren edizioa izango da aurtengoa. 8:30ean jarri dute lehenbiziko hitzordua, izena emateko. Dena den, 9:00ak arte egongo da proban hasteko aukera. Izena emateko interneten ere dago beta: gankogortamk.blogspot.com webgunean. Okondoko igerilekuetan kokatuko dituzte azpiegitura gehienak: aparkalekuak eta dutxak, besteak beste.
Ibilbideari dagokionez, frontoitik hasita Otaola, Idubaltza (691m), Bikirrio (671m) eta Jandiola gailurrak zeharkatuko dituzte partaideek. Bidean barrena horniketa puntua egongo da. Guztira, ia 14 kilometro osatu beharko dituzte bertaratzen direnek. Prezioa 4 eurokoa izango da federatuentzako, gainontzekoentzako 6€ ordaindu beharko dituzte. "Ibilaldia amaitzean parrillada egongo da, eta zenbait sariren zozketa", erantsi dute.
LAGUN AGURGARRIA:
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
