aiaraldea.eus

Mendi eta natura jardunaldiak antolatu ditu Ganekogorta taldeak zazpigarrenez

Erabiltzailearen aurpegia Izar Mendiguren Cosgaya   Kirola  Okondo

Abenduaren 13tik 31 arte hainbat jarduera egongo dira: hitzaldiak, dokumentala edota Mendizale Eguna, besteak beste.

Mendi eta natura jardunaldiak antolatu ditu Ganekogorta taldeak zazpigarrenez
Ganekogortara ibilaldia egingo dute abenduaren 31n. / Aiaraldea.eus | Ikusi handiago | Argazki originala

Ganekogorta mendi taldeak Mendi eta naturari buruzko VII. Jardunaldiak aurkeztu ditu. Abenduaren 13an izango da lehen hitzordua, eta abenduan zehar garatuko dira gainontzekoak. 

Bi hitzaldi eta ikus-entzunezko bat
Datorren ostegunean -abenduaren 13an- bi hitzaldi egingo dituzte. Aurrenekoan gaztainak izango dituzte hizpide, Iñaki Garcia Uribe mendi ikerlariaren eskutik. Bigarrenean, berriz, Enrique Arberas Mendibil biologoaren Los últimos pastores de la Sierra Salvada dokumentala ikusiko dute, 19:30ean, hain zuzen. Astobiza txakolindegiak jasoko ditu bi ekintza horiek. Antolatzaileen hitzetan, gainera, luntxa egongo da ondoren: "Doako pintxopotea eskainiko diegu bertaratzen direnei". 

Mendizale Eguna
Bestalde, abenduaren 16an gauzatuko dute Mendizale Eguna. Aurtengoan Nafarroara joango dira, Eskintza gailurrera igotzeko asmoz. 

Urte amaierako jaia, aldiz, Ganekogortan egingo dute. 9:30ean abiatuko dira mendizaleak Landetatik, eta 11:00etan aurreikusi dute iristea tontorrera. "Gosaria, topa eta talde argazkia egingo ditugu bertan. 14:00etarako Okondon egongo gara", erantsi dute.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa