Neguko oporretarako egitaraua prestatu du Okondoko Udalak. Azken urteetan bezala, haurrentzat zein helduentzat osatu dute programa.
Azken urteetako ildoari jarariki, "Okondon gabonetan euskaraz" dinamika garatuko dute. Hala, robotika tailerra izango dute 6-10 urte bitarteko haurrek, "Okondon erroldaturik dauden umeentzat". Urtarrilaren 2tik 4ra izango da ikastaro hori, 11:00etatik 13:00etara herriko liburutegian. "24 plaza eskainiko dira, eta inskripzio ordenaren arabera erreserbatuko dira. Tailerra egin ahal izateko gutxienez 6 umek eman beharko dute izena", zehaztu dute. Doakoa izango da jarduera, baina abenduaren 19tik aurretik eman beharko da izena. Horretarako liburutegira jo beharko dute herritarrek 17:00etatik 20:00etara, eta dagokion fitxa bete.
Sukaldaritza tailerrak
Bestalde, abenduaren 17an eta 19an kozinatzeko jarduerak antolatuko dituzte Ametsuts emakume elkartearen lokalean. Lehenbiziko hitzorduan Gabonetako kanapeak egingo dituzte, eta bigarrenean postre gozoak. Apuntatzeko epea, baina, gaur -abenduak 11- bukatuko da. "Parte hartu nahi dutenek 5 euro ordaindu beharko dituzte", erantsi dute.