aiaraldea.eus

Klima aldaketaren astearen barruan ospatuko dute Zuhaitz Eguna

Erabiltzailearen aurpegia Izar Mendiguren Cosgaya   Ingurumena  Okondo

Zuhaitz eguna klima aldaketarekin lotutako ekintzez josi dute aurten. Martxoaren 2an izango da ospakizuna. 

Klima aldaketaren astearen barruan ospatuko dute Zuhaitz Eguna
Toki ugaritan egiten dira Zuhaitz Egunak. / Aiaraldea | Ikusi handiago | Argazki originala

Okondoko Zuhaitz Eguna aurkeztu zuten atzo: martxoaren 2an izango da, hurrengo larunbatean. "Aurten Zuhaitz eguna klima aldaketaren astearen baitan ospatuko dugu", zehaztu dute deialdian. 

12:00etan hasiko dituzte ekintzak. Hain zuzen, igerilekuetara joango dira, arbolak landatzeko asmoz. Arratsaldean jarduera bikoitza egongo da ordu eta toki berean; hots, 18:00etatik 20:00etara. Batetik "Brtako barietateen aurkezpena eta klima aldaketaren eragina hauengan" hitzaldia. Gainera, emanaldiaren bitartean zuku, gazta eta bertako ogi dastaketa egongo da doan. Bestalde, 6 urtetik gorakoentzat "klima aldaketaren aurrean babes gaitezen" tailerra antolatu dute.

Bi jarduerak Kultur Etxean izango dira. Umeentzako eskaintzak, baina, parte hartze mugatua izango du: gehienez 20 lagun. Horrenbestez, interesa dutenek liburutegian eman bharko dute izena martxoaren 1a baino lehen. 

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa