Klimaren astearen baitan, zuhaitz landaketa egin zuten atzo goizean Okondon. Arratsaldean, berriz, bertako frutarbolak eta haziak izan zituzten hizpide. Udalak, zenbait baserritar omendu zituen.
"Asteklima" ospatu dute egunotan Okondon. Ekitaldien artean, zuhaitz landaketa egin zuten atzo goizean. Arratsaldean, berriz, 2012-2013tik gaur arte egindako lanaren aurkezpena izan zuten Kultura Etxean. "Bertoko frutarbola eta barazkien hazien ikerketa eta kontserbazioaren emaitza" azaldu zuten, Itziar Kastresana zinegotziaren esanetan. Bertan egon ziren egitasmoan parte hartu duten baserritarrak, eta Okondoko Udalak omenaldia egin zien, "Okondoko ondare naturalaren alde egindako lanagatik". Bittor eta Mari Otaola, Carlos Domingez, Tere Sagardui, Tere Urkijo, Asun Urkijo eta Bego Urkijo goraipatu zituen erakundeak, besteak beste. Ohiturari eusteko, trebakuntza eskainiko du Udalak datorren hilabetean, haziak nola kontserba litezkeen erakusteko.
Aurkezpenaren ondoren zuku ekologikoaren dastaketa egon zen, baita Aiaraldeko Idiazabal gazta probatzeko aukera ere. Ildo beretik, Okondoko Roberto Fernandezen legami naturaldun ogi ezberdinak ere ezagutu zituzten herriarrek. Bestalde, Okondoko lorategian errekuperatutako sagarrondoen erakusketa egon zen. "Bitartean, asteklimaren barruan umeentzako tailerrak egon ziren".
Argazkiak: OKONDO
Testua: Izar Mendiguren Cosgaya
LAGUN AGURGARRIA:
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide