aiaraldea.eus

Eguraldi eta egitarau apartarekin ospatu dute Baserri Azoka

Erabiltzailearen aurpegia Izar Mendiguren Cosgaya   Kultura  Okondo
Eguraldi eta egitarau apartarekin ospatu dute Baserri Azoka

Tokiko ekoizleen azokaz gain, herri kirolen erakustaldia eta txakur villanoen topaketa egon da. Eguraldia lagun, jende ugari elkartu da herrigunean.

Eguraldi ona lagun, ehunka herritar hurbildu dira Okondoko Baserri Azokara. Goizean goizetik jarri dituzte tokiko eta inguruetako saltzaileek postuak. Aiaraldeko zenbait ekoizle eta artisau ere izan dira. Okondoko parkearen bueltan kokatu dute festa eremua.

Aurten, gainera, herri kirolen erakustaldia antolatu dute. Inaxio Perurena harrijasotzailea eta Irati Astondoa aizkolaria aritu dira, besteak beste. Hala, harri jasotzaileak, aizkolariak, fardo altxaketa eta aizkora modalitate ezberdinak ikusteko aukera egon da. Zuhaitz bertikal bat moztu dute, Australian baliatzen den teknikari jarraiki. Ikusmira handia sortu du ekitaldiak, baita "txakur villanoen" erakustaldiak ere. Trikitalariak eta elektrotxaranga arduratu dira bazterrak girotzeaz. 

Ikusi argazki guztiak handiago

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa